2006年9月20日 - C2

晚上開了兩個多小時地獄會議，諗住找恆去散散心，出了尖沙咀，興致勃勃去找地方吃晚飯，因為我的錯失而空歡喜一場，應承你下次一定再同你去。

無聊地在尖咀逛逛，去了新港地下的City super找東西吃，不果，反而到了入面的store買了一罐coca cola C2試試，恆說之前在雜誌見過介紹此汽水，所以決定試下。飲過之後覺得味道有點試以前細個飲的沙士汽水，完全冇留意而家仲有冇得賣。不過呢罐超多汽，飲左幾啖已經覺得頂住頂住，奇怪恆可以將成罐啪哂。

C2 - 售價$8/罐


之後繼續找地方吃吃，恆提議到亞士厘道找東西吃，成條街都係食肆，梗有一間合意掛。點知咁就弊喇。去左一間叫做「浜 - 10蚊專食店」，因為門口個帶位出奇落力地叫我地入去試下，過百款野食都係碟碟十蚊，圖片相當吸引。點知.....唔想詳細講，總之唔好食，加上唔抵食。我都好少0係呢處劣評食店，今次實在不吐不快。全條亞士厘道最渣非佢莫屬。