2006年9月1日 - Big Fish

晚上和家人到了西貢榕樹澳的魚排釣魚+BBQ。雖然人少少，只得我們一家人和大舅父舅母，再加上肥仔，但都已經可以包起整個魚排來玩了。下午6時多就到了榕樹澳碼頭，再坐快艇到魚排上，媽媽好像全程都好驚，其實船程只不過是2分鐘左右。

整晚都不算太熱，有點海風吹來十分舒服。但是魚獲不多，男人們釣左成晚，就只得恆釣到一條鎗魚，最後還被我們吃掉，認真黑仔(我講條魚)。

好久沒有BBQ過，雖然是熱氣了一點，但都燒了很多野食。這裡BBQ是要自己帶野食來燒的，上魚排就收費每位80蚊，但最後老細說我們把地方弄得乾淨，又冇乜客仔，我們一行七人佢都係收左我地400蚊。

其實呢類型活動我和恆都好鍾意，又可以BBQ又可以釣魚，其實魚排上仲有麻雀可以打，地方又大，如果連埋BBQ計落都係一人100蚊左右，就可以玩成晚，都算係咁啦。

黃昏時候到達榕樹澳，日落美景。


魚排環境不錯，好大地方，由於是平日，所以冇人黎，我們包場。


可憐的鎗魚。