2006年8月3日 - 傻仔

這陣子都和玉芷在熱烈討論有關發生在她友人身上的悲慘遭遇，昨天又和水水分享了人性的問題。令到我想起，這兩點應該有些關連。首先說說，我認為這世界上有兩種絕對唔抵幫、爭唔落的人。

第一種是：以為自己好醒目，唔聽人講，就算聽左都當冇聽過，然後隨心所欲，以為自己的想法就是最正確的，然後到撞板時、遇上失敗時，又不會檢討一下自己，仲要死撐自己當時決定冇錯，只是時不與我。

第二種是：天生蠢過隻豬，對自己缺乏自信。終日怨天尤人，有被害妄想症，以為全世界人都係食飽飯冇野做一天24小時都只係諗緊計迫害自己。叫佢俾d信心自己唔好放棄，佢話咩都冇用，不停reject所有可能性。
後者，尤其可悲也。

當第一種人遇上第二種人時，情況就有點似玉芷友人的case。

第一種可以說是典型港女的性格特點。明明不喜歡，明知道不是自己那杯茶，為何又要與人開始??有些甚至一開始就知道自己不會與人開始，卻不停發出錯誤訊息令人家有所誤會，以為自己有機，點知做左成世傻仔都唔知。就係咁…..俾個女的玩弄於股掌之中。得閒call下你，搵下你，得閒又消失一排，你話好辛苦唔想繼續追佢佢又會話自己好confuse，唔知自己係咪對你有感覺………事實上，根本女的就係搵一個或幾個男的來sip時間。

注意：這個sip時間不只代表一時三刻冇野做，搵個男仔去下街果款。還包括甩拖了、沒男友了，求其是但搵個拍著拖先，就算你一日24小時都係同果個男仔一齊，都唔代表你唔係搵緊佢黎sip時間，因為搵其他人黎sip時間可以一sip就幾年，然後到自己搵到個好架喇，或者係對厭左喇，覺得上身喇，才懶瀟灑咁搵個籍口將人拋棄，性格不合、冇果種感覺、覺得個男人唔適合自己、自己想要果d男仔唔係呢個type………總之有無限個藉口，但其實原因都係果一個，sip完即棄，不分好壞。這種分開對女的來說可能都會有傷心的感覺，但這種傷，絕對是做了一些損人利己行為後的後遺症，死左都唔抵可憐也。

有些更可惡的女人更將觀音兵視為自己有幾靚有幾charm的指標。好心啦，我唔覺得一個女人要拍好多次，有好多男人先叫成功喎。拍好多次拖，同過好多個男人一齊，有好多觀音兵，so…???????

咁咪代表個女人濫lor。我所指的濫係指濫情，唔專一，冇話交唔交既，都唔知同幾多人交過咯。

以上所講的這種女人身邊從來不缺，同學、朋友、同事、親戚…..總有一個在左近。

幾年前楊千嬅有首歌《傻仔》。歌詞寫了一個女仔當男人係一種sip時間或滿足自己虛榮心的工具。絕對fit for我今日這個辯題。

為美女顯出身份氣勢除了手袋
必需有位傻仔傻得做司機都濟
拎袋冇所謂用o黎解悶 亦唔o徒幾多電費
我有時其實都知道慚愧
我錯誤吸引一個人
訓練成類似男朋友的錯體
我知過份鍾意玩捉錯用神
明知你最後亦無份 亦任你犧牲
我知過份 冇鍾意都俾訊號人
無聊請你現場助慶
就算寵物亦會得到個熱吻
其實我一生搵好情人
行過身邊偏偏冇好男人
唯一就只得到你 肯關照我一陣
未曾感動亦曾經分享共振
我有時其實都想你煩我
我怕悶需要一個人
每日纏住我o黎維持我信心
我知過份鍾意玩捉錯用神
明知你最後亦無份 亦任你犧牲
我知過份 救生圈亦都想捉實拉近
這裡告急亦都好遺憾
就當我膚淺 買保險
當天昏地暗 半夜若然遇險
都有人未訓
就怕之後越見得多你 你越吸引

如果大家覺得我今天這篇blog有點過激，請不要誤會，我不是事件中的犧牲品，我最多都係患上了被害妄想症姐。