2006年8月13日 - 元朗日食

今天天氣非常之好，適合遠遊。

下午決定和恆及肥仔駕車車到元朗吃吃。其實元朗的「田中日本料理」在這一區已經出哂名，好多人都山長水又遠專程入元朗試試其抵食夾大件的壽司。

今次我們沒有選到去田中，反而選了隔離的「酒泉日本料理」。原因有二，一來田中下午有落場時間，生意好到閂門大吉，我們就無謂去摸門釘。二來網上有很多人都說田中在出名之後就越做越差，反而呢間開正係佢隔離都仲做得住，我覺得應該有佢過人之處，所以決定一試。


試完之後覺得沒有失望，都係一個字：抵！但老實說，味道當然不及一些貴價日本料理好，但以這個價錢來說，過得去喇！

蟹籽沙律，勁大兜，都係$35，抵！


大大件鰻魚壽司：用成條鰻魚黎整，都係$22，抵抵！


三文魚腩刺身：好夾口，正野，$28，抵到爛！


除上以上介紹之外，我們還吃了十幾件壽司、冷麵、即開螺肉刺身.....埋單都係$230。計落平均每人都係幾條野，去邊度搵？