馬寶思自家製 - 士多啤梨奶昔

今天做了一個超級簡單的士多啤梨奶昔。首先要預備靚靚又大粒的士多啤梨，記得先洗乾淨。


將士多啤梨切粒粒，一杯份量的奶昔只需2粒大士多啤梨，如果size較少就可以放3-4粒。


再預備1又1/2球雪糕，其實可以只用雲呢拿味，今天我就更加入士多啤梨味雪糕增強味道。


預備鮮奶，一杯份量要用3/4盒奶，如喜歡可以落一整盒，但記得一定要用維記啊，呵呵，爸爸奶最好味。


將所有材料放入攪拌機打勻，記得要把雪糕完全搞溶，否則會出現一舊舊的情況。如不喜歡太甜或嫌不夠凍可加入冰塊一起攪。靚靚士多啤梨奶昔完成！